Иван Гоголев «Кыталыктар кырдаллара» айымньытынан мюзикл

Мюзикл – бу музыкальнай комедия. Манна араас искусство жанра холбоһор: эстраднай уонна олох – дьаһах  музыката, хореография, аныгы үҥкүү, драма уонна  ойуулуур – дьүһүннүүр искусство.

Муус устар 19 күнүгэр Н.Х.Дьяконов аатынан Тыайа орто оскуолатын 8 кылааһын үөрэнээччилэрэ, республика күнүгэр, экологическай месячникка анаан уонна  «Үтүө дьыала» акция5а кыттыһан,  Иван Гоголев «Кыталыктар кырдаллара» мюзиклы туруоран көрдөрдүлэр. Бу мюзиклы тэрийдэ, кылаас салайааччыта- Килижекова М.П., үҥкүүнү бэлэмнээтэ -Гуляева А.Е..  Тэрээһиҥҥэ биир улахан көмөнү Культура уонна Искусство Арктикатааҕы  Государственнай институтун 5 курсун устудьуона , практика5а кэлэ сылдьар, Дьяконов В.К. оҥордо.  Айымньы ис хоһоонун  о5олор дьоҥҥо тиийимтиэ гына   арыйан көрөөччүлэр биһирэбиллэрин ыллылар. Сүрүн оруолларга- Үчүгэй Үөдүкүнү- Владимир Дьяконов, Үрүҥ Чөмчүүгү-Лия Дьяконова, Куһа5ан Хочугуру- Артем Полятинскай оонньоотулар. Сэттэ кыталык кыргыттар, булчут, боотур уолаттар үҥкүүлэрин толорон, ким ыллаан, ким уустаан – ураннаан хоһоон аа5ан, оҕолор бары талааннара арыллан, сүрдээх үчүгэй дьоро киэһэни бэлэхтээн дьону үөртүлэр – көтүттүлэр...

Тэрээһиҥҥэ киирбит үптэн олоххо ыарахан ситуациялаах кылаастарын о5отугар материальнай көмө оҥордулар.

О5олор талааннарын таба тайанан, араас өрүттээх үлэлэри, аралдьытыылары Матрена Павловна тиһигин быспакка ыытар. Мин санаабар, ол иһин кини кылааһын о5олоро барыга бары дьо5урдаах, толоругас буолаллар. Алын сүһүөх кылааска үөрэппит о5олорум ситиһиилэрин көрөн мин эмиэ сэмэйдик үөрдум, киэн тутуннум.  Оҕолорбор үөрэхтэригэр ситиһиини, дьоҥҥо үтүө сыһыаннаах  дьон дьоно буолан тахсалларыгар ба5арабын.

Кондакова М.П. Н.Х.Дьяконов аатынан Тыайа орто оскуолатын Алын сүһүөх кылаас учуутала.