Кэбээйи улууһугар сылын аайы ыытыллар «Бал выпускников» тэрээһиҥҥэ биһиги, 2015 сыл выпускниктара, ситиһиилээхтик сылдьан кэллибит. Бу тэрээһин уларыйыыта суох сыл аайы Чагдаҕа ыытыллар. Сарсыарда эрдэттэн айаннаан, буолар сирбитигэр эбиэт иннинэ тиийбиппит. Уопсайа биэс оскуола  оскуола кыттыыны ылбыппыт. Аан маҥнай эбиэттээн, сынньанан баран «Игра по станциям»  диэн олус интэриэһинэй оонньууну оонньообуппут. Манна бөһүөлэгинэн араарбакка, смешаннай хамаандалары оҥортообуттара. Иннэ гынан күн аҥарын иһигэрэлбэх оҕону кытта билсибиппит, доҕордоспуппут.  Ол кэннэ киэһээ выпусниктар эҕэрдэ концерт көрдөрбүппүт. Концерт кэнниттэн саамай күүтүүлээх кэммит – балбыт саҕаламмыта.Оскуолалар олус бэлэмнээх кэлбиттэр этэ,   бары оскуола үҥкүүтэ ураты уонна чаҕылхай. Ол эрээри, үс бастыҥ үҥкүүнү миэстэҕэ таһаарбыттара. Ол курдук, биһиги кылаас үһүс миэстэни ыламмыт үөрүүбүт муҥура суох, иккис миэстэни Куокуй, маҥнайгы миэстэни Чагда оскуолалара ылбыттара. Маны таһынан  «Король и королева бала» номинациялары талбыттара.  Барыта бүппүтүн кэнниттэн доҕордоһуу биэчэрэ, фейерверк буолбута. Биһиги кылааспыт аатыттан тэрийээччилэргэ улахан махталбытын тэрдэбит. Маннык тэрээһиҥҥэ сылдьан элбэх оҕону кытта билистибит – көрүстүбүт, оскуолаҕа үөрэнэр кэммититтэн сүрдээх үчүгэй санаа хаалла.   

Дьяконова Марианна , Тыайа орто оскуолатын

11 кылааһын үөрэнээччитэ.