Ахсынньы 24 күнүгэр улуус а5а баһылыгын Саҥа дьыллаа5ы харыйатыгар үс о5о баран кэллибит.  Уопсайа нэһилиэктэртэн 44 о5о кэлбит. О5олор устубут киинэлэрин күөн күрэстэриттэн күммүт са5аланна. Саала5а тобус толору мустубут дьон о5олор устубут документальнай уонна уус -уран киинэлэрин көрдүбүт. Биһиги «Почтенная Кюндэдэ Хотун- гордость села Тыайа» киинэни көрдөрдүбүт. Техника сайдан о5олор киинэ устуутугар, монтаһыгар  балайда уустук ньымалары туттан үлэлэспиттэрин сөхтүбүт. Ол эрээри дьүүллүүр сүбэ документальнай киинэлэри уус – уран киинэлэртэн туспа сыаналаабыта буоллар дии санаатыбыт.

Сангар №1 оскуолатын повардара бэлэмнээбит тотоойу астарын аһаан баран дьыалабай оонньууга кытынныбыт. 4 түһүмэхтээх күрэххэ «Улуус баһылыга эбитим буоллар», «Мин улууһум аны 20 сылынан» кыра проектары оҥорон көмүскээн 1 хамаанда 1 миэстэни ылан биһиги оскуолабыт о5олоруттан К.Кюбэйэ, Дь.Дьулус планшет бэлэхтэтэн үөрдүбүт- көттүбүт.

Баһылык гранын улуус баһылыгын солбуйааччыта Тимофеев А.Н. үөрүүлээх – быһыыга майгыга туттартаата. Хас биирдиибит махтал сурук тутан, хай5анан астынныбыт- дуоһуйдубут. Үүнэр - сайдар туһугар өссө да дьулуһарга тирэх, сүбэ ыллыбыт.  Күлүмүрдүү оонньуур фейерверк, Сангар үөрэнээччилэрин күүһүнэн туруоруллубут бэртээхэй концерт көрөн, астыныахпытыгар диэри үҥкүүлээн үөрүү – көтүү көтөллөнөн дьиэбитигэр, оскуолабытыгар сонун бө5өлөөх төнүннүбүт.

Бу Саҥа Дьыллаа5ы харыйаны тэрийбит улууспут баһылыгар Игнатий Спиридоновка, улуус МТҮСМК тэрилтэтин салайааччыта Полятинскай Е.В.,  Сангар№1 оскуолатын коллективыгар (директор – Уваровская А. Е.) уонна бары тэрийээччилэргэ, бар5а махталбытын тиэрдэбит. Саҥа 2017 барыгытыгар үгүс ситиһиини, дьиэ кэргэҥҥитигэр Дьолу –саргыны, үлэ5э – хамнаска үрдүк дабайыылары а5аллын диэн алгыспытын аныыбыт.

 Н.Х.Дьяконов аатынан Тыайа орто оскуолатын 11 кылааһын үөрэнээччилэрэ

Кондакова Кюбэйэ, Ефимов Станислав, Дьяконов Дьулустан