Бары билэрбит курдук, бу сыл Россия урдунэн сункэн суолталаах - Улуу Кыайыы 70 сылын бэлиэтиибит. Биьиги беьуелэкпитигэр сыл устата араас таьымнаах концертар, фестиваль, онтон да атын мероприятиелар урдук тэрээьиннээхтик ыытыллаллар. Биьиги, Н.Х.Дьяконов аатынан Тыайа орто оскуолатын уерэнээччилэрэ эмиэ кехтеех кыттыыны ылабыт. Ол курдук, биир бастын тэрээьининэн оскуолабытыгар ыытыллыбыт «Кыайыы уруоктара» буоллулар.

Биьиэхэ, 10, 11 кылаас уерэнээччилэригэр,  «Улуу Кыайыыны уьансыбыттар» аьа5ас кылаас чааьын учууталларбыт  Дьяконова З.Н., Аммосов А.В., Иванова А.И сурдээх интэриэьинэйдик ыыттылар. Уруокпут соруда5а – Тыайа нэьилиэгиттэн сэриигэ барбыт аймахтыы дьон туьунан «MOVIE MAKER» программаны туьанан видеоролик оноруу.

Учууталларбыт эрдэ биэрбит сорудахтарын толорон, белехтерге арахсан, буойуттар туьунан информацияны (ахтыылар, хаартыскалар, видеоматырыйаал) тумпуппут. Уруок кэмигэр видеоролигы таныыга 20 мунуутэ бэриллибитэ. Бу кэмнэ биьиги дьо5ус белехпут мустан, матырыйаалбытын наардаан, ырыатын-хоьоонун сепке танан, кылгас ролик онорон таьаардыбыт. Биьиги Поповтар аймахтан барбыт 4  ини-бии саллаат туьунан роликпытын дьууллуур субэ иннигэр тахсан кэпсээтибит. Петр Данилович 1943 сыллаахха сура5а суох суппут.  Николай Данилович 1942 сыллаахха сэрии хонуутугар охтубута.  Иван Данилович 1945 сыллаахха дойдутугар эргиллэн кэлэн елбутэ. Тыыннаах Иннокентий Данилович эрэ ордубута. Бу анаардас биир дьиэ кэргэн историята сэрии кырыыстаах кырдьыгын кердерер.

Мин санаабар, маннык уруогу биьиэхэ, уунэн эрэр келуенэ5э, ыыппыттара оруннаах: Тыайабытыттан улуу Кыйаыыны уьансыбыт буойуттар, онноо5ор бэйэбит аймахтарбыт  туьунан элбэх сананы-сонуну биллибит.

Дьяконова Марианна, 11 кылаас уерэнээччитэ