Олунньу ый 6-11 күннэригэр оскуолабытыгар “Төрөөбүт төрүт тылым – барҕа баайым” диэн саха тылын, суругун – бичигин нэдиэлэтэ ыытылынна. Быйыгы тэрээһиҥҥэ сүрүн сыалынан үөрэнээччигэ саха тылыгар уонна литературатыгар билиини сайыннарыыны таһынан, быйылгы үбүлүөйдээх суруйааччыларга уонна Чурапчы көһөрүүтэ 75 сылыгар анаан сүрүн болҕомто уурулунна. Ол курдук, бэнидиэнньиккэ үрдүкү кылаас оҕолоро тыл туһунан хоһооннору дорҕоонноохтук ааҕан нэдиэлэни арыйдылар. Библиотекарь үбүлүөйдээх суруйааччылар фотовыставкаларын тэрийдэ. Оптуорунньукка икки бөлөххө арахсан: алын сүһүөхтэргэ -  «Төрөөбүт төрүт дорҕоон төрүттэммит күнэ» ,улахан кылаас оҕолоругар “Саха тыла – ийэ тыл. Төрүттэниитэ, сайдыыта, кэскилэ” диэн интириэһинэй кылаас чааһын саха тылын учуутала В.В.Федорова ыытта. Сэрэдэ күн онус кылаас коллектива орто уонна улахан кылаас оҕолоругар анаан «Үбүлүөйдээх суруйааччылар” ток – шоу ыытта. Манна кыайыылааҕынан “Дьулуур” хамаанда буолла. Маны таһынан История чахчыта.  «Чурапчы көһөрүүтэ Тыайаҕа” научнай ааҕыы 5-11 кылаастарга анаан буолла. Манна Чурапчы көһүүтүн кыра сааһыттан чинчийэр үөрэнээччи Күбэйэ Кондакова,оччотооҕу көһүү кыттыылаахтарын сиэннэрэ Ваня Лавров, Фрося Захарова оҕолорго дакылаат ааҕан иһитиннэрдилэр. Конференция түмүгэр оҕолор икки хамаандаҕа арахсан сытыы боппуруостары ырытан дебат быһыытынан түмүктэннэ. Нэдиэлэ түмүгэр “ Сүрэх ырыата” диэн народнай поэт Семен Данилов  100 сааһын бэлиэтиир литературнай киэһэ буолан ааста. Манна үөрэнээччилэр, хоһоону таптааччылар кэлэн көхтөөх кыттыыны ыллылар. Семен Данилов  лирикатын тиэмэтин араас өттүнэн арыйан көрдөрдүлэр. 11 кылаас үөрэнээччилэригэр саха тылын учуутала В.В.Федорова « Саха классиктарын уйулҕаны хамсатар айымньылара билиҥҥи ыччат хараҕынан» диэн саха литературатыгар аһаҕас дьарык ыытта. Маны таһынан нэдиэлэ устата “Мин Тобуруокабым” диэн кыра кылаастарга өйтөн суруйуу күрэҕэ, таба суруйууну сайыннарар истэн суруйуу күрэҕэ, “Аах, бил, тускар туһан” литературнай муннук тэриллэн ыытылынна.

Театральнай студия оҕолоро Василий Титов “Уоттаах чыычаахтар” Чурапчы көһөрүүтүн чахчытыгар анаммыт йымньытынан кулун тутарга испэктээк туруоран көрөдрөллөрө былааннанар.