Кулун тутар 24-25 күннэригэр Дьокуускай куоракка Е.Ярославскай аатынан  Хотугу норуоттар историяларын уонна культураларын музейыгар  “Сырдык сулус ыйар суолунан” республиканскай уус-уран ааҕыы күрэҕэ 17 төгүлүн буолан ааста. Быйылгы күрэх социалистическай үлэ геройа, драматург, тылбаасчыт, саха народнай суруйааччыта Д.К.Сивцев – Суорун Омоллоон 110 сааһыгар анаан ыытылынна. Күрэххэ барыта 167 о5о республика араас муннугуттан кэлэн кыттыыны ылла.

Күрэҕи Суорун Омоллоон бэйэтин уола поэт, прозаик, драматург  А.Д.Сивцев – Айсен Дойду, театральнай режиссер В.А.Якимец, Саха театрын артыыстара  Т.Г.Легантьева, Р.Р.Дорофеев, культура колледжын преподователэ А.Н.Васильева о.д.а бэйэлэрэ кэлэн көрөн – истэн дьүүллээбит буолан үрдүк таһымнаахтык ааста. Күрэх түмүгүнэн I, II, III миэстэлэр уонна биир анал аат иҥэрилиннэ.

Биһиги оскуолабытыттан 11  кылаас үөрэнээччитэ Слепцов Валерий баран Суорун Омоллоон “Күкүр Уус” драматыттан быһа тардыыны ааҕан иһитиннэрдэ. Салайааччынан саха тылын, литературатын учуутала В.В.Федорова бэлэмнээтэ. Күрэххэ Валера 5 ордуктар кэккэлэригэр киирэн Саха театрын аатыттан «Кэскиллээх уус-уран аа5ааччы» диэн анал номинация хаһаайына буолла. Саха театрын артыыската Татьяна Легантьева толорооччу талааннааҕын, киһини итэҕэтэрдии сыанаҕа туттуутан – хаптыытын бэлиэтээн туран анал ааты үөрүүлээхтик туттарда.

Бу республика таһымнаах ситиһии кэлин Валера артыыс идэтин баһылыырыгар төһүү күүс буолара саарбаҕа суох.