Кэбээйи улууhун учууталларын 2014 сыл тохсунньу ыйдаа5ы мунньа5ын иhинэн сылын аайы ыытыллар улуустаа5ы «Серебряный глобус» конкурс түмүгэ ыытылынна. Биhиги оскуолабыт бу тэрээhиӊӊэ көхтөөхтүк кытынна уонна кэккэ ситиhиилэрдээх. Ол курдук, «Сыл бастыӊ учуутала» улуустаа5ы конкурс түмүктүүр түhүмэ5э ыытылынна. Конкурска улуус араас оскуолатыттан 14 учуутал кыттыыны ылла, барыта 3 түhүмэ5инэн күрэхтэстилэр. Биhиги оскуолабытыттан алын сүhүөх кылаас учуутала Акулина Егоровна Гуляева кытынна. Конкурс 1 күнүгэр кыттааччылар 5 тематтан талан о5олорго кэпсэтии тэрийдилэр, проблемнай 5 ситуацияттан талан төрөппүттэри кытта бэсиэдэ ыыттылар. 2 күӊӊэ аhа5ас уруоктар буоллулар. Акулина Егоровна 2 кылааска «Куйаар устун айан» аhа5ас уруок биэрдэ. Конкурс түмүгүнэн лауреат үрдүк аатын Кэбээйи оскуолатын математика учуутала Федотова Марфа Ивановна ылла, 1 миэстэни Куокуй орто оскуолатын география учуутала Спиридонова Светлана Николаевна, 2 миэстэни Чагда орто оскуолатын биология учуутала Татаринова Татьяна Федоровна, Сииттэ орто оскуолатын география учуутала Сивцева Анна Лазаревна ыллылар. Бириистээх 3 миэстэ Куокуй орто оскуолатын физкультура учууталыгар Игнатьев Семен Семеновичка уонна биhиги коллегабытыгар Акулина Егоровна5а тигистэ. Онон, Акулина Егоровнаны маннык ситиhиитинэн э5эрдэлиибит, инникитин да айымньылаах үлэни ба5арабыт. Оскуола сайтын оӊоруу, ситэрэ-хоторо сылдьыы, сонуннары тиhигин быспакка суруйуу, оскуола үлэтин-хамнаhын сырдатыы – бу эмиэ үлэттэн тахсар. Биир тустаах киhи маны барытын сайтка киллэрэн, орун-оннугар булларан иhэр. Маннык учууталынан буолар информатика учуутала Томская Анна Анатольевна. Ол курдук, үөрэх тэрилтэлэрин сайтын күрэ5эр кыттан, биhиги оскуолабыт бириистээх 1 миэстэни ылан, принтеринэн на5араадаланна. Сылын аайы учууталлар холбоhуктара эмиэ конкурска кытталлар. Быйылгы үөрэх дьылыгар алын сүhүөх кылаас учууталларын уонна гуманитарнай предметтэр учууталларын холбоhуга кыттыыны ылла. Гуманитарнай предметтэр учууталларын ситиhиитэ, көрдөрүүтэ сыаналанан, улууска 2 бириистээх миэстэ5э тиксэн, магнитофонунан на5араадаланна. Кабинет күрэ5э эмиэ сылын аайы ыытыллар. Ол курдук, саха тылын учуутала Людмила Куприяновна Полятинская салайар саха тылын кабинета күрэххэ кытынна. Күрэх түмүгүнэн кабинет 2 миэстэ5э тигистэ, DVD проигрыватель бирииhинэн на5араадаланна. Ити курдук, быйылгы үөрэх дьылыгар оскуолабыт маннык ситиhиилэринэн саӊа сылы көрүстэ.
| 
