Олонхону уйэтитиигэ, тар5атыыга ыытыллар улэ тумуктээх буоларын уонна саха омук нарын матыыптаах дьүрүскэн хомуһа хаһан да уостубатын туһугар Н.Х.Дьяконов аатынан Тыайа орто оскуолатын иьинэн сэтинньи 25 – ахсынньы 5 куннэригэр тэриллибит Декада тэрээhиннээхтик ыытылынна.
Олонхо уонна хомус декадатын сурун тэрийээччилэринэн төрүт култуура уонна музыка учуутала М.П.Килижекова уонна саха тылын, литературатын учуутала В.В.Фёдорова буоллулар.
Оскуола иһинэн араас хабааннаах тэрээhиннэр ыытылыннылар. Ол курдук, олонхоҕо: олонхо тематыгар уруhуй,өйтөн суруйуу, кинигэ быыстапкалара, о5олорго аналлаах мультипликационнай киинэлэр, кылаас чаастара, викторина, аһаҕас уруок. Хомуска: хомус кинигэтин быыстапката, викторина, хомус тардыыга күрэх, өйтөн суруйуу, фольклор уроктара. Маны таһынан тэрээһин түмүгэр олонхоҕо уонна хомуска «Сыккыс» литературнай кружок о5олоро хаһыат оҥорон таһаардылар.
Олонхо уонна хомус декадатын үөрүүлээх аhыллыытын маҥнайгы түhүмэҕэр олоҥхо күнүнэн эҕэрдэ тыллар, «Олонхо – саха норуотун бар5а баайа» уонна «Дьүрүһүй хомус” диэн иһитиннэрии оҥоһулунна. Декада кэмигэр ыытыллыбыт «Олонхо туьунан мин билиим» конкурска оҕолор көхтөөхтүк кытыннылар. Ол курдук, I миэстэни 9 кылаас үөрэнээччитэ Кондакова Иванна ылла. Хомуска эмиэ «Хомус историята» конкурс биллэриллибитэ. I миэстэни 10 кылаас үөрэнээччитэ Аммосова Наташа ылла. Библиотекарь Зоя Николаевна оҕолорго анаан “Олонхо – норуот духуобунай баайа», «Хомус дьүрүскэнэ» диэн кинигэ быыстапкатын тэрийдэ. «Биьиги олонхо сирин о5олорунабыт» диэн сүһүөхтэринэн кылаас чаастар ыытылыннылар. Маны таһынан төрүт культура учуутала Матрена Павловна «Бастыҥ хомусчут» конкурс тэрийэн ыытта. Маҥнайгы миэстэни 6 кылаас үөрэнээччитэ Дьяконова Надя ылла.
Декада устата “Олонхо оҕо хараҕынан» диэн уруһуй күрэҕэ ыытыллыбыта. Манна ордук көхтөөхтүк 2, 3, 4,5, кылаас кытынна. Улахан кылааска өйтөн суруйуу күрэҕэр ордук 6 уонна 9 кылаас о5олоро кытыннылар. I миэстэни 9 кылаас үөрэнээччитэ Софронеева Айна « Олоҥхо уонна билиҥҥи кэм», II миэстэни Полятинский Саша « Олонхо-норуот тылынан уус-уран айымньытын чыпчаала», III миэстэни 6 кылаас үөрэнээччитэ Аргунова Ньургуйаана “Эрчимэн Бэргэн – мин сөбүлүүр бухатыырым” диэн тиэмэннэн кытыннылар.
Декада түмүгэр “Сыккыс” литературнай түмсүү оҕолоро анал хаһыат таһаардылар. Ону таһынан оскуола оҕолоро Айыы дьиэтигэр мустан олоҥхо уонна хомус декадатын түмүктүүр 10 кылаас үөрэнээччитэ Кузнецов Сергей Василий каратаев “О5о тулаайах” оло4хону аа5ыытынан киэргэттэ.
Бары мустубут ыалдьыттар, кыттааччылар төгуруччу туран, илии-илиилэриттэн ылсыhан киэн оhуохай ункуутунэн олонхо киэhэтин тумуктээтилэр.
|