Н.Х.Дьяконов аатынан Тыайа орто оскуолатыгар  алтынньы 17-21 күнүгэр куттал суох буолуутун нэдиэлэтэ буолан ааста. Нэдиэлэ иhигэр кылаас чаастара, сүhүөхтэринэн мероприятиелар, тренировочнай эвакуациялар ыытылыннылар, хас биирдии кылаас баhаартан сэрэхтээх буолууга  комплегын, эвакуация былаанын бэрэбиэркэтэ буолла.

Алын сүhүөх кылаас о5олоругар кылаас салайааччылара «О5о саас үтүө суола» диэн олус интэриэhинэй тэрээhин ыыттылар. Манна о5олор суол быраабылатын биллилэр, суолга сэрэхтээх буолууга  үөрэннилэр.

Орто сүhүөххэ ОБЖ учуутала Л.К.Полятинская «Уот – киhи до5оро уонна өстөө5ө» диэн кылаас чааhын ыытта. Бу  тэрээhин 1 чааhыгар о5олор уот дьиэ5э-уокка туhатын, наадалаа5ын уонна уот кутталын, киhи оло5ор дьайыытын, уоттан сэрэхтээх буолар наадатын туhунан презентация көрдүлэр, хоhоон аахтылар, таабырын таайдылар. Людмила Куприяновна хас биирдии кылааска сэрэхтээх буолууга памятка түңэттэ. Тэрээhин 2 чааhыгар физкультура учуутала М.Т.Попова спортивнай оонньуу ыытта. Ону таhынан, Мария Тимофеевна спортивнай курэхтэhии, олимпиада символа – уоттаах факел  - суолтатын туhунан иhитиннэрии онордо.

Үрдүкү сүhүөххэ ОБЖ, физкультура учуутала Аммосов А.В. сүүрүүлээх-котүүлээх спортивнай күрэхтэhии ыытта. О5олор икки хамаанда5а арахсан, противогаз кэтэн суурбуттэрэ, араас моhоллору туораабыттара, канат тардыспыттара, волейбол оонньообуттара.

Ити курдук, куттал суох буолуутун нэдиэлэтэ сэргэхтик, интэриэhинэйдик ааста.

7 кылаас уорэнээччитэ Софронеева Гелия